Fitorja 4-1 në ndeshjen e parë të turit të dytë në Conference League ndaj Connahs ka kënaqur tej mase trajnerin e Prishtinës, Zekirija Ramadani.
Tekniku është shfaqur i lumtur në konferencën për shtyp pas sfidës, teksa është shprehur se kjo fitore i jep qetësi para ndeshjes së kthimit, por jo komoditet.
"Fitore bindëse që na jep qetësi, nuk na jep komoditet, por na jep qetësi. E pamë që forca e tyre është vetëm në goditje standarte dhe mendoj që sot me të vërtet analiza doli ashtu siç i kishim paramenduar, siç kishim punuar. Arritëm të shënojmë katër gola për çka i uroj futbollistët për fitoren dhe i falënderohem të gjithë të pranishmëve, sidomos Plisave, të cilët na mbështetën gjatë 90-minutave dhe për këtë rezultat të thellë kanë merita edhe ata. Ndeshjet në Evropë kuptohet që janë më të vështira, vijnë edhe lëndimet, mirëpo të shpresojmë që mos të jetë të rënda që i mban futbollistët gjatë jashtë fushave. Besoj edhe Kryeziu edhe Hoti s'kanë pësuar lëndim të rëndë, por presim dhe shohim", përfundoi Ramadani.
Lexo gjithashtu
