U ngjitën në Superiore në këtë sezon me objektivin për të qëndruar mes më të mirëve, por tashmë sezoni i skuadrës dibrane ka dështuar. Teksa kanë arritur të koleksionojnë vetëm 12 pikë në 27 javë, Korabi po përgatit "valixhet" për t'u kthyer andej nga erdhi.
Si t'i mos mjaftonin rezultatet negative, "Konica.al" raporton se tekniku Gerd Haxhiu së bashku me trajnerin e portierëve, Ermal Nexhipin nuk janë paraqitur në seancën stërvitore duke braktisur në këtë mënyrë ekipin dibran. Nga klubi i Korabit ende nuk ka një njoftim zyrtar, por në këtë rast ka vend shprehja "Kur të vjen e keqja, hapi derën".
Shumë shpenzime, shumë bujë, por në fakt gjithçka mbeti vetëm në letër e tashmë në klubin dibran nuk kanë se ç'të bëjnë tjetër veçse të mendojnë për sezonin e ardhshëm.
Lexo gjithashtu
