Pak ditë më parë u tha se dy nga titullarët e Luftëtarit nuk do mund të luanin ndaj Flamurtarit ditën e hënë, në ndeshjen e javë së 13-të të kampionatit, kjo për shkak të dëmtimeve që kishin pësuar në ndeshjen e fundit.
Bëhej fjalë për Kristal Abazajn dhe Dejvi Bregun, të cilët kanë qetësuar trajnerin Hasan Lika, pasi ditën e djeshme janë parë të stërviten me pjesën tjetër të grupit. Mungesa e vetme dhe e sigurt për Luftëtarin është ajo e Vangjo Zguros, i cili ka plotësuar numrin e kartonave për këtë sfidë.
Skuadra e drejtuar nga Hasan Lika, dje u ka dhënë dorën e fundit përgatitjeve për sfidën që luajnë nesër ndaj vlonjatëve. Në kampin bluzi të gjithë besojnë se nga ky takim do të marrin një rezultat pozitiv, i cili përkthehet në fitore dhe tre pikë të plota.
Lexo gjithashtu
