Teuta është vënë në qendër të kritikave, jo vetëm se u eliminua nga Almati në Europa League, por edhe për shkak të çështjes, që ka hapur tashmë policia federale në Austri në lidhje me trukimin e ndeshjeve miqësore të skuadrës shqiptare. Për ndeshjen e kthimit me Almatin në Kazakistan, ku Teuta humbi 5-0, lojtarët e saj mundohen të gjejnë justifikime, që në fakt janë qesharake. Mesfushori Nijaz Lena ka thënë për "Panorama Sport" se skuadra e tij humbi nga lodhja: "Ndikuan shumë faktorë, por ishim të lodhur dhe nuk kishim përqendrimin e duhur në atë ndeshje", - ka theksuar mes të tjerash Lena. Një justifikim banal për një futbollist profesionist. Dhe të mendosh, që Teuta shkoi në Kazakistan dy ditë para ndeshjes.
Poll
Lexo gjithashtu
