Alarm fals është ajo e dënimit të lojtarëve të Argjentinës për “provokimet” e tyre ndaj stafit të Holandës në çerekfinalen e Kupës së Botës, ku “Albiçelestët” eliminuan “Tulipanët”. Në këtë mënyrë Lionel Messi, Leoandro Paredes dhe Nicolas Otamendi nuk do të dënohen nga FIFA për festimet dhe provokimet e tyre pas kualifikimit.
Sipas “Daily Mail”, organi më i lartë i futbollit në Botë, FIFA nuk i ka konsideruar të ekzagjëruara festimet e lojtarëve argjentinas në Kupën e Botës. Nervozizmi i Messit me Van Gaal, gjuajtja e topit nga Paredes drejt stolit të holandezve si dhe festimet e lojtarëve të tjerë të argjentinës tregojnë se “Albiçelestët” po luanin nën një presion të madh gjatë 120-minutave në atë që ndoshta është turneu i fundit i “Pleshtit”. Mënyra se si i lejuan holandezët të rikuperoheshin nga avatazhi 2-0 pasqyron brishtësinë argjentinasve që shtoi presionin më pas te ta.
Lexo gjithashtu
