Skënderbe po u jep dorën e fundit përgatitjeve në Antalia. Korçarët përgjatë qëndrimit dy javor në Turqi kanë zhvilluar tre miqësore deri tani, ndërkohë që është planifikuar të luhet edhe një e katërt, e cila do të jetë e fundit për këtë fazë përgatitore në tokën turke.
Kundërshtari i radhës për skuadrën e Ilir Dajës do të jetë skuadra kazake, Oktoben. Ndeshja do të luhet ditën e nesërme. Sot, Daja do të vazhdojë normalisht me axhendën e përgatitjeve. Do të zhvillohen dy seanca stërvitore, një paradite dhe një mbasdite.
Nesër do të jetë dita e së vërtetës për korçarët të cilët do të kenë mundësinë të marrin një rezultat pozitiv pas dy humbjeve dhe një barazimi të regjistruara në tre takimet e para miqësore që janë zhvilluar në Turqi përgjatë këtyre ditëve.
Lexo gjithashtu
