Në mesjavë, saktësisht të mërkurën skuadrat do të zbresin në fushën e lojës për të bërë mes tyre edhe llogaritë e fazës së 1/8-ave të Kupës së Shqipërisë. Një nga sfidat është edhe përballja mes Tiranës dhe Korabit.
Bardheblutë do të luajnë në “Selman Stërmasi” dhe do të synojnë vetëm fitoren për të kaluar në fazën çerekfinale pasi këto sfida janë me eleminim direkt. Kryeqytetasve nuk iu ndahen mungesat as në Kupën e Shqipërisë.
Julian Ahmataj ndaj Korabit nuk do të mund të llogarisë shërbimet e Fjoard Jonuzit. Ky i fundit ka një problem me shpatullën dhe të mërkurën nuk do të mund të japë kontributin e tij në Kupë.
Gjithashtu në dyshim mbetet edhe Albi Doka. Mbrojtësi u ndëshkua me karton të kuq në duelin me Teutën dhe nëse ky rast kalon te Komisioni i Disiplinës, atëherë me shumë gjasa do të mungojë të mërkurën.
Lexo gjithashtu
