Kombëtarja shqiptare luan një finale pas dy ditësh në “Air Albania”. Kuqezinjtë do të presin Çekinë në orën 20:45 për të zhvilluar një nga ndeshjet më të rëndësishme në historinë tonë të futbollit. Jemi shumë pranë kualifikimit në Euro 2024 dhe një fitore ndaj rivalëve çek do ta siguronte matematikisht këtë ëndërr.
Yjet kuqezi kanë nisur zyrtarisht përgatitjet ditën e sotme teksa janë bashkuar nën urdhërat e trajnerit Sylvinho në stërvitje. Jasir Asani është një prej atyrë që na ka dhuruar emocione të paharrueshme me dy supergolat e tij ndaj Moldavisë dhe Polonisë.
Sallaksi magjistar na ka mësuar keq teksa të gjithë ne presim një tjetër perlë nga këmbët e tij të arta. Ish-i i Partizanit ka postuar një foto nga stërvitja e sotme nën diçiturën: Gjithmonë një ndjenjë speciale të rikthehesh në shtëpi.
Lexo gjithashtu
