Presidenti i Kukësit kërkon që skuadra e tij të marrë rezultat pozitiv kundër Austrisë, edhe pse e di që është sfidë e vështirë. Ai pohon premion prej 150 mijë euro në rast kualifikimi, ndërsa falenderon presidentin e Tiranës dhe të Skënderbeut për favoret që i kanë bërë gjatë kësaj faze të kompeticioneve europiane.
“Nuk shkojmë atje për turizëm , tani jemi në qendër të Europës pasi i kemi rënë në një farë mënyre përqark me skuadra nga Kazakistani etj, ndaj për ne është dhe një ndeshje prestigji. Austria e Vjenës është një kundërshtar i fortë, por fusha është ajo që vendos”.
“Ne gjithmonë kemi dhënë premio, madje edhe ndaj Rudarit që unë kalimin e turit të parë e konsideroj një detyrim i dhamë lojtarëve shpërblimin e merituar, aq më tepër në këtë takim që është përcaktuar ky shpërblim”.
“Dua të falënderoj presidentin e Skënderbeut Takaj, që na dha lojtarë të rëndësishëm si Latifi e Lilaj, e po ashtu dhe Tiranën që na vuri në dispozicion terrenet e stërvitjes. Kjo do të thotë se Kukësin po e ndihmojmë dhe dy ekipe të tjera dhe kjo është diçka shumë pozitive”.
Lexo gjithashtu
