Nesër, Flamurtari do të luajë ndeshjen e kthimit kundër Vllaznisë, e vlefshme për turin e parë të Kupës së Shqipërisë.
Në takimin e parë, vlonjatët kanë fituar 2-1, ndërsa nesër në "Loro Boriçi" do të tentojnë të shkojnë në turin e dytë.
Para ndeshjes, është presidenti Sinan Idrizi ai që ka ndezur sfidën përmes një deklarate të dhënë për mediet.
"Lojtarët e Flamurtarit e fituan ndeshjen e parë. Tani duhet të fitojnë edhe të dytën. Kaq është e gjitha. Ky Flamurtar e kam thënë edhe më përpara se i ka mundësitë për ta mundur sërish Vllazninë dhe për t'u kualifikuar për në turin tjetër të Kupës", ka thënë fillimisht ai. Më pas, numri një i klubit vlonjat i është përgjigjur edhe ish trajnerit Eqerem Memushi që kritikoi publikisht Flamurtarin.
"Mesa duket Memushi ka harruar se Vlora, edhe me një dhëmb të mbetet, është Vlorë. Memushi ka mbetur në pakicë, nuk është në një linjë me të tjerët, Kreshnik Çipi, Rrapo Taho dhe Latif Gjondeda thonë të kundërtën. Kur të vijë në stadium Eqeremi, do ta shikojmë ndeshjen bashkë", ka përfunduar me ironi Idrizi.
Lexo gjithashtu
