Presidenti i Federatës Shqiptare të Futbollit, Armando Duka ka udhëtuar drejt Nyonit të Zvicrës, në selinë e UEFA-, ku ka qenë pjesëmarrës në mbledhjen e parë të Komitetit të ri "HATTRICK".
Ky Komitet është mbledhur sot për herë të parë që nga kompozimi i ri pas Kongresit të UEFA-s dhe është i vetmi Komitet i cili ka tagrin të miratojë projektet financiare për federatat e ndryshme të UEFA-s, pa patur miratimin e Komitetit Ekzekutiv të saj. Në mbledhjen e parë të "Hattrick" u diskutuan projektet që kanë paraqitur 12 federerata të ndryshme për të patur suportin financiar, por thjesht bazuar në projektet që paraqiten.
Vetë kreu i FSHF-së ka potuar një foto në Twitter, ku shihet të jetë i shoqëruar nga delegatë të tjetë UEFA-s, si dhe presidentin e Federatës Suedeze të Futbollit. Në foton e postuar, Duka shkruan: "Sot në Nyon, në selinë e UEFA-s, në mbledhjen e parë të Komitetit të ri "HATTRICK" , në drejtimin e mbledhjes së bashku me z.Karl-Erik Nilsson, Zv/President i UEFA-s dhe President i Federatës Suedeze të Futbollit".
Kujtojmë që, në datën 1 korrik 2017, kreu i FSHF-së Armando Duka është emëruar nënkryetar i Komisionit të Investimeve "HATTRICK". Ky është një vlerësim i lartë në drejtim të kreut të futbollit për këtë përgjegjësi të re, duke marrë parasysh këtu edhe faktin që kryetarët dhe nën/kryetarët e Komiteteve të UEFA-s janë përgjithësisht edhe anëtarë të Komitetit Ekzekutiv të UEFA-s.
Lexo gjithashtu
