Më në fund një lajm i mirë për Interin. Marcelo Brozoviç ka rezultuar negativ në testin e fund mjekësor të kryer për Covid -19. Ai do jetë gati për ndeshjen e së shtunës, të cilën zikaltërit do e zhvillojnë ndaj Sassuolos në kampionat.
Kujtojmë që kroati kishte dalë mbajtës i virusit disa javë më parë, e më pas ishte futur në karantinë. Te Interi tashmë kemi dy lojtarë të prekur, ku bëhet fjalë për mbrojtësin serb Kolarov dhe Padellin. Mesfushori Brozoivç është i rëndësishëm për skemat e Contes, me trajnerin italian që gëzon rikthimin e tij.