Ndeshja Egnatia – Partizani (3-0) ka qenë më e përfolura për shkak të vendimeve të gjyqtarëve. Kjo sfidë ishte subjekt diskutimi në emisionin “Rubrika Sportive”. Penalltia e fituar nga Renato Malota, teksa Eneo Bitri kapi sferën me dorë shkaktoi batuta në panel.
Ish-gjyqtari Klajdi Kola tregoi momentin e offside të cilën e kishte marrë nga teknologjia e VAR-it. Dukshëm, Malota është në pozicion të rregullt dhe këtë e tregon edhe vija jeshile. Ardi Behari, i pranishëm në studio tha: “Po këto vija kush i bën? Si mund ta dijmë që janë të sakta?”, pyeti ai. Ndërsa Kola iu përgjigj: “Është automatike nga kompjuteri”. I menjëhershëm reagimi i Beharit: “Si, si? Mos kanë ndërhyrë ata iranianët dhe aty?”
Të qeshurat ishin prezente dhe më tej u vijua diskutimi me rastin e golit të dytë të Egnatias, ku fillimisht ishte shkaktuar faull në dëm të Rrapajt, por Jorgji kishte vazhduar lojën.
Lexo gjithashtu
