Vllaznia është në kërkim të një portieri për sezonin e ri futbollistik dhe emri i parë që qarkullon është malazezi Jasmin Agoviç. 25-vjeçari është titullar prej 6 vitesh me Buducnostin, ku ka dhënë kontributin e tij në sukseset e skuadrës së tij. Por sezonin e fundit gardiani malazez e ka humbur vendin e titullarit. Sipas "Sport Ekspres" shkodranët kërkojnë ta kenë në provë për disa ditë për të vendosur për një bashkpunim mes tyre. Kujtojmë që pjesë e Vllazinsë janë dhe dy portierë të tjerë, Erind Selimaj dhe Alen Sherri, ndërsa më parë u largua malazezi Andrije Dragojeviç. Selimaj shihet si një talent i së ardhmes, po për klubin shkodran ardhja e një portieri me përvojë do ta ndihmonte shumë skuadrën. Priten ditët në vazhdim si do të shkojnë ngjarjet mes palëve.
Lexo gjithashtu
