Presidenti i Bayern, Olivier Kahn ka kritikuar kapitenin e ekipit Manuel Neuer. Ky i fundit kishte bërë një koment mbi shkarkimin e trajnerit të portierave të Bayern, Toni Tapaloviç. Neuer kishte thënë se kjo ishte një “çmenduri” dhe Kahn nuk e ka pritur mirë këtë koment. Tapaloviç ka qenë trajner i portierave të Bayern që nga 2011.
Më herët ai ka qenë shok skuadre me Neuer tek Schalke. Tapaloviç pati një konflikt muajin e kaluar me trajnerin Nagelsmann. Ky i fundit zbuloi se Tapaloviç kishte nxjerrë sekrete të dhomave të brendshme për mediat. Klubi mori menjëherë vendimin për ta shkarkuar trajnerin e portierave.
Neuer kritikoi klubin për vendimin dhe presidenti Kahn nuk e la pa përgjijgje publike kapitenin. “Çfarë Manuel tha në dy intervista për Toni Tapaloviç nuk i bën nder atij si kapiten dhe nuk i jep vlerë FC Bayern”, thotë Kahn. “Qëndrimet e tij nuk kanë të bëjnë me të tashmen pasi tani po përballemi me ndeshje të vështira.
Ai është personalisht i prekur dhe kjo duhet kuptuar. Ne i shpjeguam atij se vendimi nuk ishte i lehtë sepse për momentin kishim trajnerin më të mirë për portier.” Kahn rrëfeu se edhe ai ka kaluar një eksperiencë si ajo e Neuer gjatë karrierës së tij. Por ai nuk bëri ndonjë koment për klubin në media.
Lexo gjithashtu
