Drejtori gjeneral i Romës, Tiago Pinto ka folur për konfliktin mes Dzekos dhe Fonsecës. Pinto ka konfirmuar se palët kanë sheshuar mosmarrëveshjet, me sulmuesin që është rikthyer në stërvitje.
Boshnjaku nuk do jetë më kapiten i Romës, me Pinton që ka konfirmuar se Roma I ka besuar trajnerit një projekt afatmesëm.
"Çështja mes Dzekos dhe Fonsecës u zgjidh ashtu si duhej, brenda familjes dhe tani të dy po punojnë për të mirën e ekipit. Fonseca është lideri ynë dhe do të jetë edhe në të ardhmen afatmesme. Sa i përket Dzekos, nuk do të jetë më kapiten i Romës, pasi disiplina është një element shumë i rëndësishëm për klubin tonë.
Të gjithë në klub mbështesin Pellegrinin, që është shumë i lidhur me ngjyrat e skuadrës dhe përfaqëson më së miri atë, pasi është i ri, i fortë dhe me të ardhme. Së shpejti do të flasim edhe për rinovimin e kontratës me të", tregoi Pinto.
Lexo gjithashtu
