Polonia fitoi 2-1 përballë Shqipërisë në Varshavë, duke i shkaktuar Kombëtares kuqezi eliminimin nga “play-off” i Botërorit. Ndërkohë që pas këtij dueli ka folur edhe portieri i polakëve, Kamil Grabara, i cili thotë se ishte e vështirë të pranonin humbjen nga një ekip më i dobët.
“Do të doja ta kisha fituar këtë ndeshje 2-0, por pozitive është se i përmbysëm gjërat. Luajtëm pak me zjarrin në pjesën e dytë, sepse mendoj se u hapëm shumë, por e dinim që ishim një ekip më i mirë dhe ishte e vështirë për ne të pranonim faktin që po humbisnim 1-0.
Patjetër që prisnim të dilnim agresivë kundër Shqipërisë. E bëmë, ndoshta jo tërësisht me kokën lart. Rezultati ishte siç ishte planifikuar, por mendoj se nëse do të kishim luajtur pak më qetë, do të kishim shënuar gjithashtu. Doli ashtu siç ndodhi. Jemi të lumtur.
Kjo është arsyeja pse jam në portë dhe është puna ime të pres ato gjuajtje. Jam i lumtur që në fund bëri diferencën dhe unë ndihmova vërtetë. Nëse eliminojmë gabimet individuale të panevojshme, jam optimist dhe i bindur se do të fitojmë në Stokholm”, tha Grabara.
Lexo gjithashtu
