Interi nuk ia doli të siguronte fitoen ndaj Sampdorias mbrëmjen e djeshme, teksa takimi përfundoi 0-0 mes tyre. por ajo që mori më shumë vëmendje në këtë duel ishte përplasja mes Romelu Lukakut dhe Nicola Barellas. Dyshja u panë të tensionuar në një moment mes tyre.
Madje sulmuesi belg e ofendoi dhe shau rëndë mesfushorin. Një situatë e till ëpadiksutim nuk është aspak e hijshme për trajnerin Simone Inzaghi, i cili pas ndeshjes do të theksonte se të dy lojtarë janë miq dhe nuk i vjen mirë të kenë të tilla reagime.
"Gjëra të tilla ndodhin, megjithëse nuk duhet të ndodhin në fushë dhe nuk më pëlqen t'i shoh, por ata ishin ulur së bashku në pjesën e parë dhe janë miq të mirë. Natyrisht, këto janë incidente që unë nuk dua t’i shoh në fushë”, tha Inzaghi.
Sa i përket ndeshjes, Inzaghi tha se ishte shumë i zhgënjyer pasi skuadra e tij nuk arriti të shënonte dhe të fitonte.
“Sigurisht që jam i zhgënjyer sepse donim të fitonim, nuk e nënvlerësuam Sampdorian dhe duhej të kishim arritur një rezultat më të mirë duke pasur parasysh numrin e rasteve që krijuam. Unë vazhdoj të them se duhet të fokusohemi vetëm te vetja, duhet të vazhdojmë të punojmë dhe të përmirësojmë më tej lojën tonë”, përfundoi tekniku i zikaltërve.
Lexo gjithashtu
