Mehdi Taremi është një nga lojtarët më të përfolur që nga merkato e shkuar verore, e deri në këtë dimërore. Sulmuesi i Portos në merkaton e shkuar ishte i lidhur me një transferim tek Milani, por pas disa kohësh ai shprehu dëshirën për t’u bashkuar me Interin.
Tashmë zikaltërit janë në “Pole Position” për shërbimet e iranianit, me këtë të fundit që është i hapur për një aventurë të re në kampionatin italian. Momentalisht sulmuesi është i grumbulluar me kombëtaren e Iranit për shkak të Kupës së Azisë. Teksa së fundmi është vetë sulmuesi që ka folur për të ardhmen e tij që e lidhin me një transferim në Milano.
“Thashethemet për Interin? Nuk është koha për të folur për këtë. Tani jam në Katar në shërbim të kombëtares dhe mendoj se Irani është më i rëndësishëm se gjithçka”, është shprehur sulmuesi 31-vjeçar.
Lexo gjithashtu
