Napoli dhe Lazio do të përballen mbrëmjen e sotme në Maradona Stadium në orën 20L45 për javën e 25-të të Serie A. Mbrojtësi shqiptar i lacialëve, Hysaj foli në radion e klubit përpara ndeshjes kundër ish-ekipit të tij.
"Duhet guxim dhe vetëdije për t'u përballur me Napolin. Ata janë një skuadër e fortë, po bëjnë gjëra të mëdha. Në një stadium si Maradona duhet besim, si dhe qëndrimi i duhur, që të mund t'i vendosësh në vështirësi në stadiumin e vet. Me kalimin e kohës, Napoli ka ndryshuar mentalitetin e tyre dhe ka marrë shumë më tepër.
Gjatë periudhës sime atje ne iu afruam Scudettos, të gjitha këto sezone kanë qenë të dobishme për të arritur rezultatin aktual. Edhe ne po rritemi dhe shpresojmë që të luftojmë për të njëjtin qëllim një ditë. Kam kujtime të mrekullueshme nga vitet e mia në Napoli, shpresoj që ata të mund të festojnë në fund të sezonit".-tha mbrojtësi shqiptar.
Lexo gjithashtu
