Paul Pogba ka mbyllur një sezon për t’u harruar te Juventusi. Mesfushori është shprehur se ka qenë një vit plot me vështirësi, ndësa theksoi se ka vuajtur edhe psikologjikisht.
Vështirësitë në jetën personale kanë reflektuar edhe në anën fizike të tij, ku mori disa dëmtime që e mbajtën larg fushave për disa muaj.
“Sezoni i fundit ishte një eksperiencë që besoj se do të më bëjë shumë punë për të ardhmen. Trupi im është edhe instrumenti me të cilin unë punoj dhe luksi më i madh në jetë është shëndeti. Kur nuk je mirë në aspektin psikologjik, atëherë edhe aspekti fizik çalon. Për mua ishte sezoni më i vështirë në karrierë, por edhe prova më e madhe.
Aksi Manchester-Torino? Kur u largova fillimisht nga Manchester United isha shumë i ri dhe doja të tregoja se sa vleja. Iu bashkova Juventusit dhe mësova shumë, por u riktheva te United sepse nuk e kisha përmbushur dëshirën time. Pastaj erdhi sërish rikthimi te Juventus, është klubi ku ndjej një dashuri të madhe”, u shpreh Pogba.
Lexo gjithashtu
