Patrice Evra do të publikoj së shpejti autobiografinë e tij "I love this game". Jemi mësuar gjithmonë ta shikojmë duke qeshur me videot dhe fotot e tij, por ish mbrojtësi i Man United dhe Juventusi ka bërë një rrëfim tronditës duke zbuluar se është abuzuar seksualisht në moshën 13-vjeçare në shtëpinë e mësuesit të tij.
Një rrëfim të tillë, Evra e kishte mbajtur të fshehtë për shumë vite, madje nuk ia kishte treguar as familjes së tij. Tani në moshën 40-vjeçare, francezi ka vendosur ta rrëfejë një gjë të tillë për publikun, por edhe për nënën e tij që më parë nuk e dinte. Evra shprehet se e bën diçka të tilla për t'i ardhur në ndihmë fëmijëve që abuzohen seksualisht.
"Ishte një kohë e vështirë për mua. Unë nuk kam për t'u thënë disa prej vëllezërve, motrave dhe miqve të mi të ngushtë. Nuk dua që njerëzit të ndiejnë keqardhje. Është një situatë e vështirë . Një nënë nuk pret që ta dëgjojë këtë nga fëmija e saj. Ishte një tronditje e madhe për të dhe është shumë e irrituar. Ajo tha se i vjen keq dhe se nuk duhet ta vendos këtë gjë në libër, pasi është një gjë private, por unë i thashë se kjo nuk ka të bëjë me mua, ka të bëjë me djemtë e tjerë që abuzohen.
E di që libri do të ndryshojë pikëpamjet e njerëzve për mua, por jam mëse I lumtur që kam folur me nënën time. Unë jam versioni më i mirë i vetes. Miqtë e mi do të thonë që bota duhet të reagojë, por presioni më i madh ishte që t'ia tregoja nënës sime këtë gjë. Edhe të mendosh për këtë gjë tani është e vështirë", u shpreh Evra.
Lexo gjithashtu
