Ditën e sotme në Federatën Shqiptare të Futbollit ka pasur një takim të veçantë me presidentin e Federatës të Futbollit Kosovë z.Agim Ademi. Në vizitën e tyre që u mirëprit nga sekretari i përgjithshëm z.Ilir Shulku, u diskutua rreth projekteve dhe partneritetit të dypalshëm.
Shulku dhe Ademi bënë me dije projektet e tyre që federatat kanë në zbatim. Duke qenë si dy federatat më vëllazërore, dakortësuan harmonizim në të gjitha veprimet dhe bashkëpunim maksimal në të ardhmen.
Postimi i FFK:
“Presidenti Agim Ademi dhe u.d. sekretari i përgjithshëm, Taulant Hodaj, gjatë qëndrimit të sotëm në Tiranë, kanë vizituar Federatën Shqiptare të Futbollit. Ata janë takuar me sekretarin e përgjithshëm të FSHF-së, Ilir Shulku. Me këtë rast, ai i informoi drejtuesit e FFK-së për zhvillimet e fundit në këtë federatë, si dhe përgatitjet për edicionin e ri. Duke qenë si dy federatat më vëllazërore, u pajtuan që të harmonizohen të gjitha veprimet dhe bashkëpunimi të jetë maksimal në të gjitha segmentet. Në këtë drejtim, të dy sekretarët do të qëndrojnë në kontakt të përhershëm, me qëllim të rritjes së partneritetit dhe projekteve të ndryshme”.
Lexo gjithashtu
