Partizani, Laçi dhe Kukësi kanë tre skuadrat, që pas 13 javëve kampionat nuk kanë fituar asnjë penallti. Të kuqtë po ashtu kanë shkaktuar më shumë penallti, plot 4 të tilla. Një numër të tillë në disafavor ka dhe Dinamo me Erzenin.
22 penallti janë akorduar në total. Vetëm 2 janë pritur, nga Alban Hoxha dhe Klevis Hasanbelli. 1 është nxjerrë jashtë nga Realdo Fili kundër Partizanit. Vllaznia është e vetmja që nuk ka shkaktuar asnjë. Shpërndarja e penalltive në disfavor është respektivisht: Partizani, Dinamo dhe Erzeni 4 penallti; Tirana 3; Kukësi dhe Teuta 2; Egnatia, Skënderbeu dhe Laçi me nga 1 penallti.
Dhe pse shkodranët nuk kanë shkaktuar asnjë penallti, ata kanë fituar më shumë bashkë me Skënderbeun. Plot 4 penallti të perkthyera në gol nga Bekim Balaj, teksa Skënderbeu numëron 5. Tirana, Teuta dhe Erzeni ndjekin me 3, ndërsa me 2 penallti të fituara janë Egnatia dhe Dinamo. Këto janë statistikat e prodhuara nga penalltitë, ku në ndihmë është dhe sistemi VAR, pasi ka kaluar 1/3 e Superiores.
Lexo gjithashtu
