Partizani do të luajë kundër Erzenit, ndeshje e vlefshme për javën e katërt të Superiores. Kjo sfidë do të zhvillohet në stadiumin “Elbasan Arena”, ndërsa tashmë klubi i kuq ka bërë me dije çmimet e biletave.
Përmes një njoftimi në kanalin zyrtar tregohet se bileta më e lirë kushton 300 lekë kurse më e shtrenjta 1 mijë lekë. Në lajmërimin e bërë te 16-herë kampionët e Shqipërisë shkruhej:
“NJOFTIM PËR ÇMIMET E BILETAVE
FK PARTIZANI - KF ERZENI
E DIEL 11 SHTATOR 17:45
Ju njoftojmë se për këtë takim çmimet e biletave në Tribunat respektive të stadiumit “Elbasan Arena” do te jenë:
Biletat në Tribunat: A dhe B do të kushtojnë 1 000 Lek (të reja)
Biletat në Tribunat: C, D, E, F dhe G do të kushtojnë 300 Lek (të reja)
Tribuna qëndrore: A3, A4, B3, B4, B5, dhe sektorët e tribunave C, D, E dhe F do të jenë në dispozicion të tifozerisë së
Tribuna G do të jetë sektori i rezervuar për tifozerinë mike
Biletat mund ti siguroni duke filluar nga sot e në vazhdim nga ora 10:00 deri në orën 19:00 pranë pikës së shitjes në stadiumin “Selman Stërmasi” në Tiranë, ndërsa të dielën biletat mund ti gjeni edhe në sportelin pranë stadiumit “Elbasan Arena” në Elbasan”.
Lexo gjithashtu
