Vllaznia për femra arriti të dalë fituese në një ndeshje historike përballë ukrainasve të Vorskla Kharkiv në kuadër të Play-Off të Champions League. Vazjat shkodrane dhanë maksimumin në këtë ndeshje që prodhoi plot emocione dhe lot gëzimi. Rezultati 2-1 dërgon Vllazninë në grupet e Champions League duke u bërë klubi i parë në historin e futbollit shqiptar që arrin kaq larg. Presidenti Lazer Matija foli për mediat në përfundim të ndeshjes.
Fitorja - "Sot është moment gëzimi për qytetin e për futbollin shqiptar. Arritje mjaft e madhe ndonjëherë në sportin shqiptar. Para disa vitesh ishte ëndërr tashmë realitet. Puna ndër vite e vajzave dhe klubit e ka kthye në një objektiv këtë ëndërr."
Oreksi në grupe - "Duhet bërë më vonë kjo pyetje. Një ekip që luan mjaft mirë në 32 ekipet më të mira edhe në grupe shkojmë për të treguar vlerat tona. Do të shohim edhe shortin pasi do të përballemi me ekipe që kanë nivelin më të lartë në Europë."
Ndeshja - "Kualifikim mëse i merituar për atë që kanë dhënë skuadrat. Nuk kemi pësuar asnjë gol përvec penalltive. Nuk u treguam asnjëherë inferiuor që shpeshherë skuadrat shqiptare e bëjnë në Europë."
Vrasja e kampionatit - "Kemi vrare ndërgjegjen e atyre pa ndërgjegje. Ne do të vazhdojmë të punojmë pasi ky ekip është krenari kombëtare e jo shkodrane."
Diferenca - "Në futboll loja kolektive është primare. Lojtarët e reja ju bashkangjitën shumë shpejt boshtit të ekipit. Diferencën e bëri karakteri i vajzave për të marrë maksimumin."
Maksimumi i Vllaznisë dhe familjes Matija? – "Nuk do e përfshija familjen se normal familja është pjesë e madhe e suksesit por dua të përfshijë vajzat që bën maksimumin dhe duam ta shijojmë këtë sukses dhe të përgatitemi për ndeshjet e ardhshme."
Lexo gjithashtu
