Orges Shehi ka folur në përfundim të ndeshjes Partizani – Volendam(1-1). Pas testit miqësor me hollandezët, që ishte dhe debutim për teknikun durrsak, Shehi tregoi se e rëndësishme është mos dëmtohen lojtarët
Më poshtë mund të lexoni intervistën e dhënë për Partizani Channel, ku trajneri prek në fund se koha është e pamjaftueshme. Kujtojmë se të kuqtë po e zhvillojnë fazën përgatitore në Turqi.
Fjala e Orges Shehit:
Sot ishte ndeshja e parë. Kemi ardhur me datë 2 dhe ngarkesa ka qenë pas pushimit e lartë për lojtarët. Sot u munduam të ndajmë minutazhin. Ndeshje miqësore janë të rëndësishme për të arritur gjendjen fizike të mirë por dhe për të kristalizuar ato veprime që kërkojmë në fushë nga lojtarët, për mënyrën si sulmojmë apo mbrojmë. Në përgjithësi jemi të kënaqur me performancën, por duhet punë t’u përmirësuar.
Faza po shkon mirë. E rëndësishme që lojtarët të marrin ngarkesë, të mos kenë dëmtime. Dhe ndeshjet që kemi, pas 3 ditësh, për të na shërbyer nga ana teknike-taktike. Kushtet janë shumë të mira. Jemi të kënaq nga komoditet, por dhe nga ajo që po japin lojtarët e po shprehin.
Kemi grup lojtarësh të madh. Jemi 24 lojtarë me gjithë portierët. Minutazhi për dikë më i madh, për dikë më i ulët. Ne kërkojmë të konfigurohet mënyra e lojës dhe sigurisht disa lojtarë do luajnë më pak, disa më shumë. Dhe po të duash t’i ndërrosh 10 ose 11 ndërrohen, pra 22. Do mundohemi të gjithë të marrin ngarkesë, dhe ato që nuk gjejnë për të luajtur, ta marrin me stërvitje. Koha nuk na mjafton, ndeshjet e kampionatit vijnë shumë shpejt, Këtu e 8 ditë është ndeshja Fokusi më i madh te kristalizimi, veprimi, manovrës, mënyra e vendosjes në fushë. E thashë më parë, nuk kemi kohë, pas 8 ditësh fillojnë ndeshjet zyrtare të kampionatit.
Lexo gjithashtu
