Partizani do të luajë të dielën në orën 17:00 përballë Skënderbeut në Korçë. Ndeshja është e vlefshme për javën e 25-të të Superiores.
Derbi me Tiranën i fituar 2 me 1 la disa pasoja te kampionët në fuqi. Tedi Cara që realizoi golin e fitores, plotësoi numrin e kartonëve të verdhë dhe i duhet të mungojë në përballjen e radhës.
Një tjetër mungesë për sulmin është ajo e Xhuliano Skukës. Ky i fundit po ashtu shënoi ndaj Tiranës, ndërsa u dëmtua në Kupë përballë Kukësit. Kështu autorët e golave dhe sulmuesit kryesorë aktualit të Partizanit do të mungojnë.
Organika e Partizanit bën që Orges Shehi të ketë mundësinë e zgjedhjeve. Kështu trajneri durrsak pritet të zëvendësojë Carën me Mban dhe Skukën me Mensah. Nga stoli pritet ndërkohë kontributi i Bintsoukas.
Formacioni i mundshëm:
Partizani: Hoxha; Hadroj, Sembene, Sota, Atanaskoski; Murataj, Maguette; Mba, Rrapaj, Taipi; Mensah
Lexo gjithashtu
