Superliga në vendin tonë është ngritur ndjeshëm vitet e fundit, kjo gjë ka sjellë dhe fitime të majme për klubet që bëjnë pjesë në elitën e futbollit shqiptar. Përveç lëvizjeve brenda kampionatit, ka patur dhe shitje të bujshme jashtë vendit.
Dy prej lojtarëve që kanë bërë bujë me largimet e tyre kanë qenë Peter Olayinka dhe James Adeniyi.
Ishi i Skënderbeut, kaloi nga KAA Gent te Slavia e Pragës dhe në këto kushte korçarët përfitojnë 20 për qind të kartoni të lojtarit që u shit për gati 4 milionë euro. Përveç Skënderbeut, përfiton dhe ekipi "mëmë" i Olayink-ës, skuadra e Bylisit. Këta të fundit kërkojnë përqindje nga shitja e lojtarit në fjalë.
Tjetër rast është ai i James Adeniyi. Ky i fundit u formua te Laçi dhe më pas u transferua te Skënderbeu. Më pas u shit për 150 mijë euro te Qabala në Azerbajxhan. Edhe sulmuesin nigerian bëhet fjalë për të njëjtën çështje. Se çfarë do ndodhë, kjo pritet të mësohet ditët në vijim, pasi dy ekipet në fjalë kërkojnë shpërblim për formimin e lojtarëve.
Lexo gjithashtu
