Jose Mourinho është bërë edhe një herë tjetër protagonist këtë fundjavë. Portugezi mori një karton të kuq ditën e djeshme në ndeshjen e Romës me Cremonese. Ai pati një debat me arbitrin e katërt dhe kjo e bëri që të dilte jashtë me të kuqe. Por një problem tjetër ka dalë për Mourinho.
Sfidën e 14 vjeçarëve të Romës me Lacion në fundjavë tekniku e ndoqi bashkë me disa lojtarë të ekipit të parë. Roma U14 e fitoi atë takim 2-1 dhe Mourinho festoi me ekipin e tyre pas ndeshjes. Por sipas “Il Messaggero” lojtarët e Lazio U14 kanë patur disa ankesa ndaj portugezit.
Gjatë ndeshjes Mourinho ka bërë thirrje kundër një lojtari të Lazio, Alexandru Miloiu. Përveç kësaj sipas lacialëve tekniku ju bënte thirrje lojtarëve 14 vjeçar të Romës të humbisnin kohë gjatë lojës duke u shtënë se ishin të dëmtuar. Website i Lazio “VoceLazio” raportoi që “Special One” me lojtarët që po ndiqnin takimin u sollën në mënyrë “anti-sportive, duke fyer kundërshtarët dhe duke i thënë lojtarëve të humbisnin minutat “.
Lexo gjithashtu
