Ilir Daja doli në prononcimin e zakonshëm për shtyp pas barazimit të Ballkanit 1-1 kundër Zalgiris. Ndër të tjera, trajneri i njohur shqiptar u ndal dhe te përplasja me futbollistin Kushtrim Gashi.
Këtë të fundit, ai e përzuri nga stërvitja dhe sonte nuk ishte i pranishëm as në tribunë për të ndjekur takimin. Pikërisht momentin kur Daja po fliste për të, Gashi e shpërndarë në rrjetet sociale në shenjë ironie. Mimika e qeshur e trajnerit është në antitezë me situatën me lojtarin.
Në fjalën e tij për mediet e Kosovës, Daja tha: “Në një ekip janë prezente këto gjëra, sidomos në kohën e merkatos. Nuk i mohojmë vlerat e tij, e kam angazhuar si titullar në ndeshjet miqësore, por nuk e ka dhënë atë që pritej. Njëri nga lojtarët më të mirë në fushë sot ishte zëvendësuesi i tij, Lindon Emërllahu”.
Loading ...
