Lazio nuk ia doli ndaj Milan, me skuadrën e Elseid Hysaj që u mposht 0-2 nga Milan në Serie A. Një humbje që e lë Lazion në vendin e 14-të me 7 pikë pas 7 javësh.
Pas kësaj disfate, Maurizio Sarri do të theksonte se skuadra e tij nuk është një ekip i madh dhe kjo paraqitje erdhi për shkak të ngjeshjes së kalendarit.
“Ne nuk jemi një skuadër e madhe dhe nuk mund ta konsideronim veten një të tillë as vitin e kaluar. Kundër Milanit kalibri është ndryshe. Sot pashë një ekip që, krahasuar me ndeshjet e mëparshme kundër Milanit në San Siro, luajti me më shumë personalitet. Në pjesën e parë ne kemi bërë më mirë se ta. Pastaj nuk reaguam siç duhet dhe si pasojë pësuam golat. Jemi viktima të një kokteji vdekjeprurës, pasi kishim tre ndeshje të vështira në transfertë, ndaj Napolit, Juventusit dhe Milanit, nuk kam parë askënd ta bëjë këtë”, nënvizoi Sarri.
Lexo gjithashtu
