Shqipëria përballet në fund të muajit me Andorrën, Anglinë dhe San Marino, në kuadër të Kualifikueseve të Kupës së Botës. Në një lidhje me Ora Sport në Ora News, ka folur lojtari i Kombëtares, Klaus Gjasula. Gjasula thotë se edhe pse përballë do jenë "3 luanët", asgjë nuk është e pamundur.
"Ne e dimë që në futboll asgjë është e pamundur. Për mua është një gjë shumë e bukur të luash kundër Anglisë. Kanë lojtarë me emra të mëdhenj dhe nuk e ke gjithmonë mundësinë të luash kundër këtyre lloj kundërshtarëve dhe duhet të japim maksimumin. Për mua, në atë ndeshje nuk kemi asgjë për të humbur. Do japim maksimumin dhe do shohim çfarë do na dalë. E rëndësishme është të kemi besim te vetja jonë dhe me besimin se me një ditë shumë të mirë mund të kapim ndonjë pikë" - tha ai.
Lexo gjithashtu
