Jasir Asani padiksutim është lojtari i momentit në vendin tonë dhe arsyeja tashmë të gjithë e dimë. Sulmuesi ka shkëlqyer me kombëtaren shqiptare në kualiifkueset e Euro 2024, teksa çdo tifoz, i madh apo i vogël është dashuruar me SUPERGOLAT e tij.
E në të tilla raste do të jesh në qendër të mediave. E si çdo shqiptar që është i interesuar të dijë rrogën e të tjerëve edhe Asani nuk i ka shpëtuar pyetjes sa e ke rrogën dhe ku i çon lekët?
Në emicionin “Më lër të flas”, djaloshi i supergolave theksoi se pothuajse të gjithë rrogën që merr në Kore ia dërgon babit. Sipas Asani është e merituar pasi është pikërisht babai që sakrifikoi për ta bërë futbollist.
“Pagesa më e mirë që iu ke dhënë prindërve? Unë edhe pagesën që e marr atje, në Kore, aq sa marr sigurisht se nuk dua të përmend shifra se nuk është shumë e madhe, pothuajse të gjitha ia nisi babit. Babi është ai që ka bërë çdo gjë për mua.
Sa merr? Nuk e kam rrogën e madhe aq sa mendojnë njerëzit, por jam mirë”, ka theksuar shkurtimisht ish-lojtari i Partizanit.
Lexo gjithashtu
