Teuta dhe Vllaznia barazuan 0-0 në “Niko Dovana”. Sfida e javës së gjashtë nuk ka parë golat, me skuadrat që nuk ditën të shfrytëzojnë rastet, duke ndarë pikët.
Me 10 pikë Vllaznia mban vendin e katërt në klasifikim, ndërsa Teuta merr pikën e katërt këtë sezon duke qenë e treta nga fundi në renditje.
Pas ndeshjes për Oversport foli portieri i Teutës, Panajot Qirko.
“Brenda stërvitjes bëjmë punë të madhe. Siç kam unë punë për pritje, sulmuesit kanë detyrë për të bërë gola. Bëra një pritje të mirë sot. Kemi nevojë për pikë sepse jemi në pozicion jo të mirë. Dua mos gaboj dhe mos pësoj, shpresoj që me më shumë fat nga java në javë të marrim pikë. Kam shumë besim te ky grup lojtarësh.
Me Vilën bëjmë shumë goditje pas stërvitjes, ngacmohemi shumë. Nga java në javë edhe Hebaj dhe Vila do zhbllokohen. E rëndësishme është që po stërvitemi.
Gjatë pesë javëve ka pasur lëvizje në pozicione për lojtarët. Dy ndeshje kanë qenë ato që kemi pësuar shumë gola. Jam shumë i sigurt me mbrojtësit që kam para, kam qenë në shumë ekipe dhe me këtë grup ndihem mirë”, tha Qirko.
Lexo gjithashtu
