Një ngjarje e frikshme ka ndodhur në orët e para të mëngjesit të sotëm për skuadrën e Ballkanit. Suharekasit po ktheheshin nga Praga pas ndeshjes me Slavian, por pilotët e avionit janë detyruar të bëjnë ulje të parakohshme për shkak të krisjes së xhamit.
Një situatë që ka tronditur mbarë opinionin sportiv, por fatmirësisht pa pasoja në njerëz. Për këtë ka folur kapiteni i Ballkanit, Edvin Kuç, i cili për Telegraf ka rrëfyer atë që ka ndodhur.
“Të them të drejtën asgjë nuk kemi ditur pasi kemi mësuar për atë që ka ndodhur vetëm pasi jemi kthyer në Pragë. Jemi nisur për në Prishtinë, por pastaj jemi kthyer në Pragë dhe vetëm pas aderimit kemi mësuar për problemin që kishte pasi ishte krisur xhami i aeroplanit.
Ishte lodhje, por nuk ishte diçka e madhe për tu bërë panik. Falë Zotit gjithçka është në rregull dhe askush nuk është i lënduar. Kemi pritur për disa orë në aeroportin e Pragës deri sa ka ardhur aeroplani tjetër ‘charter’ nga Bullgaria dhe tani jemi në Prishtinë. Të gjithë janë mirë dhe kjo ka rëndësi”, ka thënë Kuç.
Lexo gjithashtu
