Skuadra e Prishtinës ka befasuar jo pak me transferimin e ri. Bardheblutë e kryeqytetit nga Superliga e Kosovës, kanë afruar mesfushorin 16-vjeçar Bebart Selmani.
Talenti vjen nga ekipi i 2 Korrikut, ndërsa vlerësohet tej mase në përshkrimin e prishtinalive. Po ashtu, lojtari në fjalë, ka kaluar nga “zinxhiri” i moshave të Kosovës.
“Mesfushori 16-vjeçar, Bebart Selmani, ka nënshkruar kontratë me FC Prishtinën, duke u bërë një nga futbollistët e rinj që i bashkohet klubit si pjesë e investimit në talentet me perspektivë.
Selmani vjen nga 2 Korriku dhe konsiderohet një nga mesfushorët me potencial të gjeneratës së tij. Ai gjithashtu ka qenë pjesë e përfaqësueses së Kosovës U15, U16 dhe U17.
Nënshkrimi i kontratës me Prishtinën, përfaqëson një hap të rëndësishëm në zhvillimin e tij si futbollist. Bebartit i urojmë shumë suksese dhe një rrugëtim të mbarë me fanelën e FC Prishtinës”, ka shkruar klubi i kryeqytetas.
View this post on Instagram
Lexo gjithashtu
