Europa do të “çelë” sot sezonin e vet futbollistik, pjesë e së cilës janë edhe skuadrat shqiptare. Partizani – Bate Borisov është ndeshja e parë e cila pritet me interes nga sportdashësit tanë për të parë gjendjen e lojtarëve të stërvitur nga trajneri Zoran Zekiç. Kjo sfidë do të startojë në orën 20:45 dhe do të transmetohet drejtëpërdrejtë në valët e televizionit “MCN”.
Një mision i ri për Gerti Çarçanin dhe skuadrën e tij që në këtë valë europiane të sportit kanë marrë të drejtën e transmetimit të skuadrave shqiptare. Veç Partizanit, në këtë ekran do të jenë drejtëpërdrejtë edhe Egnatia e cila përballet me Ararat Armenia, sikurse Tirana që do të luajë kundër Dinamo Batum në orën 20:00.
Për herë të parë, ndeshjet e ekipeve shqiptare gjatë pjesëmarrjes së tyre në Europë janë vendosur të transmetohen në këtë televizion të ri, por me profesionistë plot eksperiencë siç është moderatori i njohur Gerti Çarçani bashkë me skuadrën e tij të sportit.
Lexo gjithashtu
