Nevil Dede është “arkitekti” i Elbasanit, i cili këtë sezon ka synim ngjitjen në Superiore. Dita e sotme është një ditë feste për timonierin e verdhebluve, i cili feston ditëlindjen. Dede sot mbush plot 49 vjeç dhe sigurisht nuk kanë si të mungojnë urimet, aq më tepër nga klubi. Elbasani nëpërmjet një postimi në rrjetet sociale i ka uruar trajnerit kryeqytetas ditëlindjen, ndërsa thekson se vazhdon të shkruajë historinë. “Gëzuar ditëlindjen profe! Historia jote në qytetin tonë vazhdon të shkruhet ...”, thuhet në postimin e klubit. Kujtojmë se Dede mori në dorë “frenat” e elbasanasve në verën e vitit 2023 dhe në 16 ndeshje ka arritur të grumbullojë 36 pikë, duke u pozicionuar në vendin e dytë në klasifikimin e Kategorisë së Parë.

 

View this post on Instagram

 

A post shared by AF Elbasani (@afelbasani)