Kapiteni i Zvicrës, Granit Xhaka, ka folur në konferencën për shtyp përpara ndeshjes me Kosovën, nesër në orën 20:45 në Fadil Vokrri. Për Xhakën do të jetë një sfidë shumë e veçantë me plot emocione, ashtu siç e shpjegon ai vetë si më poshtë:
“Ke luajtur kundër Shqipërisë, Serbisë dhe tani Kosova, cilat janë emocionet?
“Është një ndeshje e veçatë për mua dhe familjen. Nuk krahasohen sepse është ndryshe, jam i kënaqur që jam këtu dhe pres nesër një ndeshje me shumë emocione”.
Marrëdhëniet me Zvicrën dhe Kosovën janë pak ndryshe, a ke bërë ndonjë përgatitje ndryshe nga ndeshjet e tjera?
“Ne e njohim mirë Kosovën dhe lojtarët e saj. Trajneri na ka përgatitur njësoj, jemi përgatitur shumë mirë dhe tani duhet të tregojmë veten në fushë”.
Nga Kosova vazhdojnë të largohen lojtarë, më të fundit Daku dhe Muja…
Kemi lojtarë që janë pjesë e Gjermanisë apo Zvicrës, cila është këshilla juaj për Federatën që të mos largohen më lojtarë? “Është pyetje e vështirë, është pozitive sepse kemi tre apo katër kom,ëgare. Kemi lojtarë q ëluajnë për kombëtare të mëdha, por gjithsecili duhet ta vendosë vetë se ku shkon. Është e vështirë ta them unë përgjigjen”.
Ndeshja e 150 me Zvicrën, a ke pasur më parë familjarët prezent në konferencë?
“Nuk ka ndodhur kurrë, por këtu ndjehem si në shtëpi. Respektin dua t’iu kthej ju, ndjehem krenar që jam këtu. Nesër edhe pse jam me tjetër fanellë do t’ju bëj edhe juve të lumtur”.
Trajneri tha kemi ardhur për fitore, por ti je dakord për barazim?
“Nuk dua të përgjigjem” – Tha ai.
Lexo gjithashtu
