Vllaznia do të luajë të mërkurën kundër Flamurtarit, ndeshje e kthimit e vlefshme për turin e parë të Kupës së Shqipërisë. Shkodranët do të tentojnë të kthejnë rezultatin në favor të tyre teksa në sfidën e parë u mposhtën 2-1 në Vlorë. Për këtë drejtuesit shkodranë kanë vendosur të hapin dyert e stadiumit “Loro Boriçi” duke e bërë hyrjen falas.
Kjo përballje është caktuar të zhvillohet të mërkurën, në datën 12 tetor në orën 14:00. Pritet me interes të shihet përfundimi i takimit teksa në Vlorë janë optimistë për kualifikim të mundshëm. Ndërkohë në Shkodër duan të kalojnë momentin negativ pas humbjes me Partizanin në javën e shtatë të Superiores.
[caption id="attachment_662118" align="alignnone" width="960"]
Njoftimi i klubit shkodran[/caption]
Lexo gjithashtu
