Skuadra e Ballkanit nesër luan ndeshjen e parë në grupet e Conference League.Ballkani dhe Cluj takohen nesër në stadiumin “Fadil Vokrri” në Prishtinë, me fillim nga ora 18:45, në kuadër të grupit C.
Para këtij takimi, trajneri i Ballkanit, Ilir Daja ka folur për media ku ka theksuar se skuadrën e tij e pret një ndeshje e vështirë.
“Ekipet që kemi përball janë më favorite. Ne do të provojmë me forcën tonë. Nuk jemi në raporte të barabarta, vijnë më të freskët se ne, sepse s’kanë luajtur në fundjavë. Mungon kapiteni Kuc por lojtarët do të bëjnë më të mirën për t'a zëvëndësuar. Shpresojmë që nesër të gjejmë djemtë në formën më të mirë”, tha Daja.
Në një kompeticion të tillë emocionet janë të ditura por jam i fokusuar në aspektin tekniko-taktik. Lojtarët kanë treguar që kanë personalitet dhe kjo ka bërë që fokusi për ndeshjen e nesërmë të jetë vetëm për aspektin tekniko-taktik.”- u shpreh Daja në konferencën për shtyp.
Lexo gjithashtu
