Interi do të luajë ditën e nesërme ndaj Genoas, sfidë që do të startojë në orën 20:45 dhe luhet në “Luigi Ferraris”. Një takim shumë i rëndësishëm për zikalteërtit që kërkojnë vetëm fitoren për të mbajtur larg Juventusin.
Në prag të kësaj sfide ka folur Simone Inzaghi. Ky i fundit ka deklaruar se ndaj Genoas do të jetë e vështirë, por të tijtë janë të bindur se do të marrin 3 pikët.
“Presim një ndeshje të vështirë dhe tepër të luftuar. Genoa ndodhet në formë shumë të mirë, ata kanë në përbërje lojtarë cilësorë. Dhe një trajner të përgatitur, i cili po bën shumë mirë.
Duhet të luajmë një ndeshje të kujdesshme dhe me intensitet të lartë. Kemi disa mungesa, por rotacioni duhet të jetë një zgjidhje, jo një problem. Të shohim se kush do të kthehet në dispozicion të premten.
Titulli? Na presin edhe 21 ndeshje, për momentin jemi të lumtur me kryesimin e kampionatit. Sekreti i Interit tim është i thjeshtë: ka të bëjë me gatishmërinë e madhe që shfaqin të gjithë futbollistët.
Vit plot kënaqësi dhe fitore. Zhvilluam edhe një finale frymëzuese në Champions League. 2024? Kemi shumë ambicie dhe entuziazëm”, ka theksuar timonieri i zikaltërve.
Lexo gjithashtu
