Chelsea zhgënjeu përsëri në javën e dytë të Champions League duke barazuar 1-1 me Salzburg në Stamford Bridge. Blutë kaluan të parët në avantazh me Sterling por në pjesën e dytë, Okafor barazoi shifrat për austriakët. Në përfundim të ndeshjes, një furi reagimesh ka ardhur për Hakim Ziyech i cili u fut në pjesën e dytë por e vetmja gjë që bëri ishte ecja nëpër fushë.
Ziyech u fut në minutën e 80 duke zëvëndësuar kapitenin Azpilicueta por duke dështuar totalisht në ecurinë e sfidës. Marokeni gaboi në pasime dhe humbi disa raste të mira për krosim ku në qendër të sulmit ishte Armando Broja, i cili pati një impakt pozitiv.
Tifozëve i është sosur durimi dhe në rrjete sociale qindra fansa kërkojnë menjëherë ndërprerjen e kontratës me marokenin që dështoi të largohej në verë nga Londra.
Lexo gjithashtu
