Serie A është një nga kampionatet kryesore, ku rivaliteti është mjaft i lartë. Napoli është skuadra kampione, ndërsa sezoni i ri nis me shumë vrull nga ekipet pretendente.
Një parashikim për Seria A ka bërë edhe ish-trajneri i Partizanit dhe Skënderbeut. Andrea Agostinelli tregoi se kush skuadër sipas tij është favorite për t’u shpallur kampione.
“Napoli e ka nisur në mënyrën e duhur kampionatin, ka diçka ndryshe kjo skuadër nga ajo e sezonit të kaluar. Por, një aspekt pozitiv është fakti që ekipi vijon të vertikalizojë në fushë. Një tjetër aspekt i rëndësishëm lidhet me balancat në fushë dhe Napoli duket shumë në ekuilibër, krijon shumë dhe pëson pak.
Për Rudi Garcian ishte e rëndësishme ta niste me fitore kampionatin, ka një skuadër shumë konkurruese. Mendoj se kampionati do të jetë i balancuar, por shoh Napolin në “pole position”. Ndoshta nuk do të jenë dominues si sezonin e kaluar, por për mua janë një hap para të tjerëve dhe favoritë kryesorë për titullin”, u shpreh Agostinelli.
Lexo gjithashtu
