Liverpool përballet ditën e nesërme me Napolin në Anfield Road për ndeshjen e fundit të fazës së grupeve në Champions League. Kualifikimi është mbyllur por “The Reds” duan vendin e parë për prestigj dhe për një short më të lehtë në 1/16-at.
Ndeshja e parë ishte makth për Liverpool me Napolin që i shkatërroi 4-0 ndërsa nesër do të kërkohet hakmarrja. Klopp para ndeshjes ka folur në konferencvën për shtyp dhe nuk i kursen superlativat për italianët.
Duhet një fitore 4-0 – “Do të shohim kush do të jetë gati nesër, nuk mund të rrezikojmë, Napoli është skuadra më e mirë në Europë dhe nuk mund të bëjmë as shumë rotacione. Duam të fitojmë ndeshjen pa e pasur mendjen te golavarazhi.”
Hakmarrje? – Jo, ne jemi të motivuar pas asaj ndeshje. Në fazën e grupeve qëllimi është të kualifikoheshdhe ne e arritëm.
Dëshironi të provoni sa vleni?
"Napoli luan futboll të mirë, më i miri në Evropë për momentin. Ata janë të gjithë të sinkronizuar në të gjitha fazat e lojës, por ne nuk duhet të mendojmë për ndeshjen në Napoli."
A do të jetë Matip atje?
"Për momentin nuk e di. Konate do të jetë atje, ai më në fund është kthyer në grup dhe kjo është një gjë e mirë. Ai me siguri do të jetë i disponueshëm."
A e 'imitoi' Napoli, Liverpool-in tuaj? Mendoni se mund të shkojë deri në fund?
“Absolutisht, nëse ata luajnë ashtu siç po e bëjnë, kanë një shans për të shkuar në finale. Nuk mendoj se kanë kopjuar stilin tonë, Spalletti ka shumë përvojë dhe ka krijuar një grup që punon në një nivel jashtëzakonisht të lartë. Megjithatë, ata luajnë një futboll ndryshe, por kanë energji dhe intensitet. Është një ekip që ne duam ta shikojmë."
Si i shpjegoni disa nga vështirësitë e këtij sezoni?
"Duhet të fitosh duelet në çdo sektor të fushës, ta ndjesh atë emocion. Unë jam gati dhe skuadra është gjithashtu”.
A është fitorja një mundësi për të dalë nga ky moment i vështirë?
"Ne nuk mund të mendojmë se çfarë do të ndodhë pas disa muajsh, ne po luajmë kundër Napolit tani. Ne duhet të luajmë një ndeshje në një kohë dhe të shpresojmë që të rikthehen të gjithë lojtarët e shëndetshëm pas Kupës së Botës. Nuk mund të mendojmë të zgjidhim të gjitha problemet në një lojë të vetme, duhet të gjejmë vazhdimësi. Nuk mund t'i zgjidhësh problemet duke kërcitur gishtat, duhet të mendosh edhe për vlerën e kundërshtarëve".
Si i mendoni golin ndaj Leeds?
“E mendoj jo vetëm kur fle, edhe kur shkoj në tualet”.
Çfarë do të thotë të luftosh?
"Ne duhet të luftojmë, të luajmë mirë në çdo top. Megjithatë, do të ketë një ekip në formë të shkëlqyer kundër nesh. Jemi në Champions League, në nivelin më të lartë që mund të arrihet. Ne duhet të jemi kundërshtari që ata nuk dëshirojnë të kenë kundër edhe nëse tani e ndjejnë se janë në një moment të mrekullueshëm”.
A është emocionuese të përballesh me një ekip kaq të aftë?
"Unë e dua futbollin, më pëlqen shumë ajo që bëjnë ata. Që kur jemi përballur me ta, kam parë disa ndeshje të tyre dhe ata luajnë mirë, nuk kam asgjë për të thënë. Por nuk kam frikë, respektoj atë që bën Spalletti. Kur fiton kaq shumë ndeshje, nuk e di se si do të jetë performanca në ndeshjen tjetër, mezi pres ta luaj këtë takim."
Lexo gjithashtu
