Federico Chiesa nuk ishte i pranishëm në miqësoren e Juventusit me Standard Liege pasi klubi nuk po rrezikon përpara gjysmës së dytë të sezonit. Sulmuesi 25-vjeçar u kthye në stërvitjet e skuadrës në Continassa në fillim të këtij muaji, teksa nisi stëritjen me shokët e skuadrës pas më shumë se 10 muajsh larg fushave të blerta.
Sipas “La Gazzetta dello Sport” me rikthimin e Chiesas, Missimiliano Allegri do të ketë një armë plus për pjesën tjetër të sezonit, i cili pritet të jetë mjaft i lodhshëm dhe sfilitës.
Allegri nuk dëshiron ta përkeqësojë gjendjen e 25-vjeçarit në fazat e fundit të rikuperimit të tij, kështu që ai ka të ngjarë të lihet në stol për ndeshjen hapëse të 2023 kundër Cremonese më 4 janar, por mund të hyjë në fushë në pjesën e dytë.
Kujtojmë se italiani pësoi një këputje të ligamentit të kryqëzuar në një ndeshje me Romën në janar dhe që atëherë është detyruar të largohet nga fusha, duke punuar ngadalë për rikuperimin e tij.
Lexo gjithashtu
