Stavri Nica do duhet të bëjë pa një lojtar kryesor në ndeshjen me Partizanin, të shtunën ora 13:30. Skuadrës së Kukësit do i mungojë Vasilios Zogos, që ka plotësuar numrin e kartonëve të verdhë.
Në ndeshjen kundër Erzenit, pikërisht në minutat shtesë nga fundi u ndëshkua me karton të verdhë gjatë një aksioni të rrezikshëm të shijakasve. Mbrojtësi ka rënë në sy për minutat e shumta. Ai është preferuar të 16 ndeshjet titullar, duke treguar shumë për rëndësinë e tij në ekip.
Kukësi vjen në javën e 17 me nevojën për të fituar, pasi nuk e bën prej 7 ndeshjesh. Në të njëjtën situatën thuajse është dhe Partizani, që ka barazime në pesë takimet e fundit. Pozitat ndryshojnë, pasi Partizani ndodhet i dyti, ndërsa Kukësi me 14 pikë më pak i shtati.
Poll
Lexo gjithashtu
