Atalanta nuk mori më shumë se një pikë përballë Sturm Graz në transfertë. Në ndeshjen e vlefshme për raundin e 3-të të fazës së grupeve të Europa League, ekipi nga Bergamo barazoi me rezultatin 2-2. Një gol barazimi që erdhi nga ekipi i Strum Graz në minutën e 80’.
Pas kësaj sfide, është prononcuar për mediat, qendërmbrojtësi shqiptar i klubit italian, Berat Gjimshit.
“M’u duk si një humbje, sepse në një ndeshje si kjo nuk mund të barazosh. Në pjesën e parë ata patën pak raste dhe shënuan gol me fat, por ne dominuam lojën. Luajtëm mirë, e qarkulluam topin shpejt. Në pjesën e dytë ata morën karton të kuq dhe ne ndaluam, nuk po sulmonim.
Në ndeshje të tilla duhet të shënosh golin e tretë dhe ta vësh ndeshjen në gjumë. Nuk i dihet kurrë se çfarë ndodh, një kundërsulm, ose një incident si penalltia që iu dhurua atyre dhe barazuan. E pamundur të barazosh një ndeshje si kjo”, është shprehur mbrojtësi i Kombëtares shqiptare dhe Atalantës.
Lexo gjithashtu
