Luis Kaçorri ishte autor i golit të fitores të Bylisit kundër Vllaznisë. Sulmuesi i mallakastriotëve shfrytëzoi si duhet topin e ardhur nga goditja e dënimit duke e devijuar në shtyllën e dytë. Në prononcimin e zakonshëm për Oversport, lojtari i Bylisit deklaroi:
“E kishim organizuar lojën me trajnerin në këtë mënyrë dhe arritëm të fitonim.
Objektivi? Pres të bëj më të mirë për ekipin, të fitojmë sa më shumë ndeshje për objektivat. Sigurisht pres shumë më shumë nga vetja. Në dorën time është të ndihmoj skuadrën. Goli vjen si rrjedhojë e lojës së mirë. Goli kur do që të vijë, unë jam gati ta shtyj.
Trajneri i ri? Trajneri solli mentalitet tjetër, një lojë më agresive. Sadopak e ndryshoi atë mentalitetin. Futbolli është i tillë, kur meriton më shumë, merr diçka më pak. Ne do të bëjmë maksimumin, veçanërisht për presidentin. Ia dedikojmë atij fitoren. Ne bëjmë maksimumin. Futbolli nuk është shkencë ekzakte”, tha ai.
Lexo gjithashtu
